Թուրքիան և ԱՄՆ-ն բազմամիլիարդանոց գործարք են կնքել

ԱՄՆ-ի և Թուրքիայի նախագահներ Դոնալդ Թրամփը և Ռեջեփ Թայիփ Էրդողանը Սպիտակ տանը կայացած բանակցությունների ժամանակ համաձայնության են եկել Boeing ինքնաթիռների մատակարարման վերաբերյալ, հայտարարել է Թուրքիայում ԱՄՆ դեսպան և Սիրիայի հարցերով հատուկ ներկայացուցիչ Թոմ Բարաքը։

«Գործարքը կնքված է»,- հանդիպումից հետո Սպիտակ տան մամուլի ասուլիսում լրագրողներին ասել է նա։ Դեսպանը այլ մանրամասներ չի հայտնել։

Ավելի վաղ Bloomberg-ը, հղում անելով աղբյուրներին, հայտնել էր, որ Թուրքիան Boeing-ի հետ բազմամիլիարդանոց պայմանագիր է կնքել ավելի քան 200 ուղևորատար ինքնաթիռների համար։