«Վաշինգթոնի գագաթնաժողովը նշանավորում է Ադրբեջան-ԱՄՆ հարաբերությունների նոր փուլի սկիզբը». Ալիև

Վաշինգթոնի գագաթնաժողովը նաև նշանավորում է Ադրբեջան-ԱՄՆ հարաբերությունների նոր փուլի սկիզբը։

Ադրբեջանի նախագահ Իլհամ Ալիևն այս մասին հայտարարել է ՄԱԿ-ի Գլխավոր ասամբլեայի 80-րդ նստաշրջանում իր ելույթում։ «Մենք նախագահ Դոնալդ Թրամփի հետ ստորագրել ենք երկու կառավարությունների միջև փոխըմբռնման հուշագիր՝ Ադրբեջանի և ԱՄՆ-ի միջև ռազմավարական գործընկերության խարտիա մշակելու համար ռազմավարական աշխատանքային խումբ ստեղծելու վերաբերյալ»,- ասել է պետության ղեկավարը։ Նա նշել է, որ սա բացում է նոր հորիզոններ քաղաքականության, տնտեսության, էներգետիկայի, տարածաշրջանային հաղորդակցությունների, պաշտպանության, անվտանգության և այլ ոլորտներում գործընկերության համար։