«Մեր գյուղը գործարան չէ». Երնջատափի դպրոցականները պաստառներով են եկել հանրային լսման

Արագածոտնի մարզի Ապարան համայնքի Երնջատափ բնակավայրում «Նորթ ինվեստ» ՍՊԸ-ն արտադրական գործարանի վերահատակագծման և մինի ցեմենտի արտադրամասի կառուցման վերաբերյալ հանրային քննարկում է նախաձեռնվել։

Գյուղացիները դեմ են ցեմենտի արտադրամասի կառուցմանը: Նրանց խոսքով՝ առողջապահական ռիսկեր կան։ Ինչպես նաև գործարանը աշխատելու պարագայում մեծ մեքենաների հոսք է լինելու, ճանապարհը ժամանակից շուտ է քանդվելու:

Երնջապափի դպրոցականներն էլ հանրային լսմանը եկել էին պաստառներով՝ «մեր գյուղը գործարան չէ», «փրկենք մեր գյուղը», «պահպանենք բնությունը» գրություններով։