«Ուկրաինայի նավթավերամշակման ոլորտն ամբողջությամբ ոչնչացվել է». Սերգեյ Կորեցկի

«Ուկրաինայի Նավթոգազ»-ի ղեկավար Սերգեյ Կորեցկին The Washington Post-ին հայտնել է, որ 2025 թվականի սկզբին Ուկրաինայի էներգետիկ օբյեկտների վրա Ռուսաստանի կողմից իրականացված օդային հարվածների արդյունքում ոչնչացվել է գազի օրական արտադրության մոտ 42%-ը։

Թերթի տվյալներով՝ հունիս և հուլիս ամիսներին «նավթավերամշակումն ամբողջությամբ ոչնչացվել է»։

Կորեցկին հավելել է, որ որոշ օբյեկտներ վերականգնվել են, սակայն Կիևը պատրաստվում է «նոր հարձակումների»՝ ջեռուցման սեզոնի և ցուրտ եղանակի սկսվելուց առաջ։

Ընկերության ղեկավարը նշել է, որ Ուկրաինան պետք է արտասահմանից ներմուծի մոտ 6 միլիարդ խորանարդ մետր գազ, ինչը երկրի պատմության մեջ ամենաբարձր մակարդակն է։

Կորեցկին հայտնել է, որ Կիևը ստորագրել է պայմանագրեր, որոնք կբավարարեն երկրի գազի կարիքների գրեթե 95%-ը, երբ նոյեմբերի 1-ին վերականգնվի կենտրոնական ջեռուցումը։ «Նավթոգազ»-ը սեփական միջոցներից հատկացրել է 1 միլիարդ դոլար՝ գնումները ֆինանսավորելու համար, մինչդեռ Վերակառուցման և զարգացման եվրոպական բանկը և այլ միջազգային հաստատություններ լրացուցիչ 1,5 միլիարդ դոլար են ներդրել։