Ռուսաստանն Իրանին է մատակարարել ՄիԳ-29 կործանիչներ և S-400 զենիթահրթիռային համակարգեր

536

Երեքշաբթի, 23 սեպտեմբերի, 2025 թ., 18:20

Ռուսաստանն Իրանին է մատակարարել ՄիԳ-29 կործանիչներ և S-400 զենիթահրթիռային համակարգեր, հայտնել է խորհրդարանի ազգային անվտանգության հանձնաժողովի անդամ Աբալֆազլ Զոհրավանդը։
«ՄիԳ-29-ն արդեն ժամանել է Իրան. [ռուսական] Սու-35 կործանիչները նույնպես ճանապարհին են, և զգալի քանակությամբ։ [Չինական] HQ-9 զենիթահրթիռային համակարգերը, փառք Աստծո, նույնպես մեծ քանակությամբ են ժամանում։ S-400-ը նույնպես ճանապարհին է, ավելի ճիշտ՝ այն արդեն ժամանել է»,- ասել է Զոհրավանդը Թահրիրիե հետազոտական ինստիտուտին տված հարցազրույցում։

Նա կարծում է, որ ներկա միջազգային իրավիճակը պահանջում է ամրապնդել Իրանի պաշտպանական ներուժը։ Նա նշել է, որ արտաքին հակառակորդները «հասկանում են միայն ուժի լեզուն», ուստի Թեհրանը պետք է պատրաստ լինի ցանկացած զարգացման։