ԱՄՆ-ում ոստիկանները կանգնեցրել են Մակրոնի ավտոշարասյունը

ԱՄՆ նախագահ Դոնալդ Թրամփի ավտոշարասյան համար փողոցները փակող ոստիկանները կանգնեցրել են նաև Ֆրանսիայի նախագահ Էմանուել Մակրոնին ուղեկցող շարասյանը: Նախագահը դուրս է եկել ավտոմեքենայից ու զանգահարել Թրամփին:

Միջադեպը լայն արձագանք է գտել համացանցում: Ոմանք այն գնահատել են որպես սխալմունք, անվտանգային սովորական իրավիճակ, մյուսներն էլ քաղաքական ենթատեքստ են փնտրել տեղի ունեցածում: Ֆրանսիայի «Հայրենասերներ» կուսակցության առաջնորդ Ֆլորիան Ֆիլիպոն միջադեպը որակել է որպես նվաստացուցիչ: