Բրյուսելի օդանավակայանը կիբերհարձակման պատճառով չեղարկել է չվերթների կեսը

Բրյուսելի միջազգային օդանավակայանn այսօր որոշել է չեղարկել կիրակի օրվա համար նախատեսված մեկնող չվերթների կեսը՝ կիբերհարձակման պատճառով, որի հետևանքները դեռևս չեն լուծվել, ասվում է օդանավակայանի վարչակազմի հայտարարության մեջ։

«Մենք խնդրել ենք ավիաընկերություններին չեղարկել Զավենտեմի օդանավակայանից կիրակի՝ սեպտեմբերի 21-ին մեկնող իրենց չվերթների կեսը՝ երկար հերթերից և ուշացումներից խուսափելու համար», - նշվում է հայտարարության մեջ։ Նշվում է նաև, որ ուղևորների գրանցման հետ կապված խնդիրները կարող են շարունակվել նաև երկուշաբթի օրը։

Շաբաթ երեկոյան Բրյուսելի միջազգային օդանավակայանում կիբերհարձակում է իրականացվել գրանցման և նստեցման համակարգերի վրա։ Հարձակումն ազդել է արտաքին ծառայություն մատուցողի վրա, իսկ օդանավակայանի համակարգերը չեն տուժել։