«Մեծ Բրիտանիան կճանաչի Պաղեստին պետությունը»․ The Times

Մեծ Բրիտանիայի վարչապետ Քեյր Սթարմերը պլանավորում է պաշտոնապես ճանաչել Պաղեստին պետությունը ԱՄՆ նախագահ Դոնալդ Թրամփի Միացյալ Թագավորություն այցից հետո։ Այս մասին հաղորդել է The Times-ը։

Թերթի աղբյուրների համաձայն՝ Սթարմերը պլանավորում է ճանաչել Պաղեստինը այս շաբաթա վերջին, նախքան մի քանի երկրներ՝ Ֆրանսիայի գլխավորությամբ, դա կանեն Նյու Յորքում հաջորդ շաբաթ կայանալիք ՄԱԿ-ի Գլխավոր ասամբլեայում։

Թերթի աղբյուրները նշել են, որ Մեծ Բրիտանիայի վարչապետը գտնվում է Լեյբորիստական ​​կուսակցության կողմից Պաղեստինը ճանաչելու հսկայական ճնշման տակ, սակայն նա ձեռնպահ կմնա դա անելուց մինչև Թրամփի հեռանալը։

Ավելի վաղ մի շարք երկրների կառավարություններ, այդ թվում՝ Մեծ Բրիտանիայի, Ֆրանսիայի, Կանադայի և Ավստրալիայի, հայտարարել էին, որ այս ամիս ՄԱԿ-ի Գլխավոր ասամբլեայում կճանաչեն Պաղեստինի պետությունը։

Իր հերթին, Միացյալ Նահանգները մերժել է Պաղեստինի պետությունը ճանաչելու գաղափարը։