Լեհաստանը թույլատրել է ՆԱՏՕ-ի զորքերի տեղակայումը

Լեհաստանի նախագահ Կարոլ Նավրոցկին ստորագրել է որոշում՝ երկրում ՆԱՏՕ-ի անդամ պետությունների օտարերկրյա զորքերի ներկայության համաձայնության մասին, կիրակի օրը հաղորդել է Լեհաստանի Ազգային անվտանգության բյուրոն։
«Լեհաստանի Հանրապետության նախագահ Կարոլ Նավրոցկին ստորագրել է որոշում՝ Լեհաստանի Հանրապետության տարածքում Հյուսիսատլանտյան դաշինքի կազմակերպության անդամ պետությունների օտարերկրյա զորքերի բաղադրիչի ներկայության համաձայնության մասին՝ որպես Լեհաստանի Հանրապետության ամրապնդում՝ «Արևելյան պահակ» գործողության շրջանակներում», - ասվում է հաղորդագրության մեջ։

«Նախագահի որոշումը գաղտնի է»,- ընդգծել է բյուրոն։

Անցյալ ուրբաթ ՆԱՏՕ-ի գլխավոր քարտուղար Մարկ Ռյութեն հայտարարել է դաշինքի արևելյան թևում «Արևելյան պահակ» գործողության մեկնարկի մասին։ Գործողության հայտարարված նպատակն է «վերացնել անօդաչու թռչող սարքերի օգտագործման հետ կապված որոշակի սպառնալիքներ»։