««Թրամփի ուղու» վրա մաքսային հսկողության հստակ տարբերակներ դեռ չկան»․ Էդուարդ Հակոբյան

«Դետալները հիմա չկան, այսինքն՝ կա հիմքը, որ մաքսային ծառայություն լինելու է, իսկ դետալները հիմա ակտիվ քննարկման փուլում են»,- այս մասին «Նյուզ»-ի եթերում նշել է ՊԵԿ նախագահ Էդուարդ Հակոբյանը՝ անդրադառնալով ԱԺ-ում իր այսօրվա հայտարարությանը, թե «Թրամփի ուղու» վրա գործելու է մաքսային ծառայություն։

Նրա խոսքով՝ այս պահին հստակ տարբերաներ չկան, թե ինչպես է ընթանալու մաքսային հսկողության գործընթացը։

Հարցին՝ հնարավո՞ր է մարդ-մարդ շփում չլինի մաքսային կետում, Հակոբյանը պատասխանեց․ «Այդպիսի տարբերակ դեռ չի քննարկվել։ Շուտով կմտնենք ակտիվ փուլ, թե ինչ հնարավոր սցենարներ կարող են լինել առաջիկայում․ ներքին քննարկումների մասին է խոսքը»։