Լեհաստանը փակում է Բելառուսի հետ բոլոր սահմանային անցակետերը

Բելառուսի պետական ​​սահմանային կոմիտեն հայտնել է, որ Լեհաստանի սահմանային ծառայությունից պաշտոնական ծանուցում է ստացել բելառուսա-լեհական սահմանին մնացած բոլոր գործող անցակետերի փակման մասին: Սահմանափակումները ուժի մեջ կմտնեն սեպտեմբերի 12-ին, Բելառուսի ժամանակով, ժամը 01:00-ից:

Լեհական կողմը լրացուցիչ կտեղեկացնի իրենց աշխատանքի վերսկսման մասին:

Պետական ​​սահմանային կոմիտեի տվյալներով՝ փակումից 10 ժամ առաջ անցակետերի առջև հերթ է կանգնել մոտ 1700 տրանսպորտային միջոց՝ 1620 մեքենա, 70 ավտոբուս:
Լեհաստանի իշխանությունները սեպտեմբերի 10-ից նաև սահմանափակել են թռիչքները երկրի արևելքում՝ Բելառուսի և Ուկրաինայի հետ սահմանին: Սահմանափակումները ուժի մեջ կմնան մինչև 2025 թվականի դեկտեմբերի 9-ը, հայտնել է Լեհաստանի օդային նավիգացիոն ծառայությունների գործակալությունը:

Սահմանափակումների ներդրման գոտում քաղաքացիական անօդաչու թռչող սարքերի թռիչքներն արգելված են շուրջօրյա: Այս գոտում գիշերը կարող են թռչել միայն ռազմական ինքնաթիռներ, իսկ ցերեկային ժամերին կարող են թռչել այն ինքնաթիռները, որոնք Լեհաստանի իշխանություններին տեղեկացրել են իրենց թռիչքի մասին: Բացի այդ, գոտում կարող են թռիչքներ կատարել արտակարգ օգնություն ցուցաբերող ինքնաթիռները, այդ թվում՝ բնական աղետների և արտակարգ իրավիճակների ժամանակ։