«Ուշադիր լսեք, ձեզ զգուշացրել են, դուրս եկեք այդտեղից». Նեթանյահուն` Գազայի բնակիչներին

Իսրայելական բանակը շուտով լայնածավալ հարձակում կսկսի պաղեստինյան Գազա քաղաքի վրա, այդ պատճառով տեղի բնակիչները պետք է անհապաղ լքեն այն: Այս նախազգուշացումը տվել է հրեական պետության վարչապետ Բենիամին Նեթանյահուն, որի տեսաուղերձը տարածել է վարչապետի գրասենյակը: Նա հիշեցրել է, որ վերջին մի քանի օրերի ընթացքում իսրայելական բանակը Գազայում մի քանի բարձրահարկ շենք է ոչնչացրել: «Սա միայն ներածությունն է, նախերգանք հիմնական ինտենսիվ գործողության՝ մեր զորքերի կողմից Գազա քաղաքում ցամաքային մանևրի. մեր զորքերն այժմ հավաքվում և պատրաստվում են: Այս կապակցությամբ ես օգտվում եմ այս առիթից և ասում Գազայի բնակիչներին. «Ուշադիր լսեք, ձեզ զգուշացրել են, դուրս եկեք այդտեղից»,- ասել է Նեթանյահուն: