Ուկրաինայի կառավարության շենքում հրդեհի պատճառը Ուկրաինայի ՀՕՊ ուժերի աշխատանքն է եղել. #AиФ

Գերագույն ռադայի նախկին պատգամավոր, «Այլ Ուկրաինա» շարժման փորձագետ Սպիրիդոն Կիլինկարովը նշել է Կիևում Ուկրաինայի կառավարության շենքում ռուսական բանակի հարվածներից հետո բռնկված հրդեհի պատճառը։ Այս մասին հաղորդում է «Արգումենտի ի Ֆակտի»-ն (ԱիՖ)։

Լրատվականին տված հարցազրույցում Կիլինկարովը նշել է, որ կառավարության շենքում հրդեհն սկսվել է Ուկրաինայի ՀՕՊ ուժերի աշխատանքի պատճառով։ Նա նշել է, որ Կիևի կենտրոնում գտնվող շենքի վրա ուղիղ հարվածներ չեն եղել։ «Հավանաբար, ուկրաինական ՀՕՊ համակարգերը թիրախներ են խոցել, և մնացորդները թռել են կառավարության շենք։ Վերին հարկերում հրդեհ է եղել», - ասել է նախկին պատգամավորը։

Կիևում Ուկրաինայի նախարարների կաբինետի շենքը հրդեհվել է սեպտեմբերի լույս 7-ի գիշերը։ Հրդեհի տարածքը գերազանցել է մեկ հազար քառակուսի մետրը, հրդեհը մարելու համար ուղղաթիռ է կանչվել։ Ռուսաստանի պաշտպանության նախարարությունը հայտարարել է, որ նրանք չեն հարվածել մայրաքաղաքի կենտրոնին, հարձակումների թիրախներն են եղել «Կիև-67» արդյունաբերական ձեռնարկությունը և СТС-ГРУПП-ի լոգիստիկ բազան։