«Մոտ 100,000 մարդ լքել է Գազա քաղաքը». Նեթանյահու
![]() Մոտ 100,000 խաղաղ բնակիչ լքել է Գազա քաղաքը Իսրայելի պաշտպանության ուժերի (IDF) կողմից պլանավորված ռազմական գործողության հետևանքով, կիրակի օրը հայտարարել է վարչապետ Բենիամին Նեթանյահուն։ «ՀԱՄԱՍ-ն անում է ամեն ինչ, որպեսզի կանխի նրանց հեռանալը՝ պահելով նրանց այնտեղ՝ որպես «մարդկային վահան»»,- ասել է նա Երուսաղեմում կայացած՝ կաբինետի ամենշաբաթյա նիստում, հաղորդում է Times of Israel-ը։ Նեթանյահուի խոսքով՝ «մենք ցանկանում ենք հարձակումները կենտրոնացնել ահաբեկիչների վրա և քաղաքացիական բնակչությանը հնարավորություն տալ հեռանալու»։ ՑԱՀԱԼ-ը բազմիցս կոչ է արել Գազայի բնակիչներին՝ լքել տարածաշրջանը՝ կապված առաջիկա ռազմական գործողության հետ։ Մինչդեռ, ՄԱԿ-ի տվյալներով, քաղաքում ներկայում մնում է մոտ մեկ միլիոն պաղեստինցի։ Միջազգային կազմակերպությունները Գազա քաղաքում և ամբողջ գոտում մարդասիրական իրավիճակը գնահատում են որպես աղետալի։ Իսրայելը ներկայում պատրաստվում է իրականացնել գործողություն Գազա քաղաքի վրա վերահսկողություն հաստատելու համար, և երկիրը հայտարարել է պահեստազորայինների զորահավաքի մասին։ Այս ծրագրերի հաստատման մասին օգոստոսի 8-ին հայտարարել է Իսրայելի վարչապետ Բենիամին Նեթանյահուն։ Այս ծրագրերը քննադատության են արժանացել ինչպես Իսրայելի ներսում, այնպես էլ արտերկրում։ Հիշեցնենք՝ 2023 թվականի հոկտեմբերի 7-ին ՀԱՄԱՍ խմբավորումը հարձակվել է Իսրայելի վրա։ Իսրայելի բանակը գործողություն է սկսել ՀԱՄԱՍ-ի դեմ Գազայի հատվածում։ Իսրայելի բանակը ներկայում վերահսկում է հատվածի մոտ 75%-ը։ |

«Խցանման մեջ մնալիս՝ աղմուկ բարձրացրեք, որ ձայնը հասնի նրանց, ովքեր պարտավոր են ուղեղներն աշխատեցնել՝ իրավիճակը լուծելու համար»․ Աննա Հակոբյան (տեսանյութ)
3914:54
Zoom-ի, CNN-ի և IKEA-ի կայքերը կիբերհարձակման են ենթարկվել
12214:13
«Այստեղ նախկինում առանձնատներ են եղել, հիմա շենքեր են կառուցել, բայց ենթակառուցվածքները մնացել են նույնը»․ Վահե Գևորգյան
9113:12
Շրջակա միջավայրի նախարարությունը՝ համացանցում տարածված տեսանյութի մասին (տեսանյութ)
11012:42
Մասիս Մելքոնյանի և Գևորգ Պողոսյանի գործով ներգրավվել է 6 քննիչ և 3 դատախազ․ «Ժողովուրդ»
10909:18
Սպասվում է առանց տեղումների եղանակ (լուսանկար)
13907:06
