«Ռուսաստանը երբեք չի քննարկել Ուկրաինայի անվտանգության երաշխիքները տարածքների դիմաց». Պուտին

Ռուսաստանի նախագահ Վլադիմիր Պուտինը հայտարարել է, որ ռուսական կողմը երբեք չի քննարկել Ուկրաինային անվտանգության երաշխիքներ տրամադրելու հարցը տարածքային զիջումների դիմաց։ Միևնույն ժամանակ, նրա խոսքով, Ռուսաստանը չի պայքարում տարածքների համար, խոսքը ժողովրդի մշակույթի և ավանդույթների պահպանման մասին է։
«Ոչ, մենք երբեք այդպես չենք դրել հարցը և երբեք այդպես չենք քննարկել», - ասել է Վլադիմիր Պուտինը Չինաստան կատարած այցից հետո տեղի ունեցած մամուլի ասուլիսում։ «Անվտանգության երաշխիքները բնական են, և ես հաճախ եմ խոսում դրա մասին։ Մենք ելնում ենք նրանից, որ ցանկացած երկիր պետք է ունենա այդ երաշխիքները, անվտանգության համակարգերը, և Ուկրաինան բացառություն չէ։ Բայց սա կապված չէ որևէ փոխանակման հետ, առավել ևս՝ տարածքների փոխանակման հետ», - ընդգծել է նախագահը։

«Մենք, անկեղծ ասած, ուզում եմ ընդգծել սա, մենք պայքարում ենք ոչ այնքան տարածքների, որքան մարդու իրավունքների և այդ տարածքներում ապրող մարդկանց իրավունքի համար՝ խոսելու իրենց լեզվով, ապրելու իրենց մշակույթի շրջանակներում, նախորդ սերունդներից, իրենց հայրերից, իրենց պապերից և այլն փոխանցված ավանդույթների շրջանակներում», - ասել է Վլադիմիր Պուտինը։