Պուտինը համաձայնության է եկել Սի Ցզինպինի հետ Չինաստան եղջերուների արտահանման հարցում

Ռուսաստանին հնարավորություն է տրվել Չինաստան արտահանել կենդանի հյուսիսային եղջերուներ և դրանց եղջյուրներ: Կրեմլի տվյալներով՝ համապատասխան արձանագրություններն ստորագրվել են Ռուսաստանի Դաշնության անասնաբուժական և բուսասանիտարական հսկողության դաշնային ծառայության և Չինաստանի մաքսային գլխավոր վարչության կողմից Վլադիմիր Պուտինի՝ Պեկին կատարած այցի ժամանակ:

Չինաստանում եղջերուի պոչերն օգտագործվում են երիկամների հիվանդությունների դեմ դեղամիջոցներ պատրաստելու համար, ընկերքը պոտենցիայի ապուրի հիմնական բաղադրիչն է, իսկ երիտասարդ եղջյուրները ծերացումը դանդաղեցնող և աշխատունակությունը բարձրացնող դեղամիջոցներ ստեղծելու համար են կիրառվում:

Ավելի վաղ անգլիական The Times թերթը հայտնել էր, որ այլընտրանքային բժշկությունը առաջացրել է Պուտինի հետաքրքրությունը, և 72-ամյա նախագահը, իբր, պարբերաբար լոգանք է ընդունում սիբիրյան եղջերուների եղջյուրներից վերցված արյան էքստրակտում: Չինաստանի առաջնորդ Սի Ցզինպինը նույնպես երիտասարդ չէ, իսկ Պուտինը նրանից ընդամենը 8 ամսով մեծ է: Ռուսաստանում տղամարդկանց կյանքի միջին տևողությունը 67 տարի է: Լոգանք ընդունելը, իբր, երիտասարդացնող ազդեցություն ունի և բարելավում է տղամարդկանց պոտենցիան: Ընթացակարգի շրջանակներում կենդանի եղջերուներից տարեկան մեկ անգամ կտրվում են եղջյուրներ: