«ՀՀ-ն վերահաստատում է բռնի անհետացման զոհերի իրավունքների պաշտպանության հարցում իր հանձնառությունը». ՀՀ ԱԳՆ

Հայաստանը վերահաստատում է հանձնառությունը բռնի անհետացման զոհերի իրավունքների պաշտպանության հարցում: Այս մասին նշված է Հայաստանի ԱԳ նախարարության X սոցիալական հարթակում տարածված գրառման մեջ։

«15 տարի առաջ ՄԱԿ-ի Գլխավոր ասամբլեան օգոստոսի 30-ը հռչակեց Բռնի անհետացման զոհերի միջազգային օր։

Հայաստանը, որպես «Բռնությամբ անհետացած բոլոր անձանց պաշտպանության մասին միջազգային կոնվենցիա»-ի մասնակից պետություն, վերահաստատում է իր հանձնառությունը ընտանիքների՝ իրենց հարազատների ճակատագրի մասին իմանալու և այդ անձանց նկատմամբ արդարադատություն ապահովելու իրավունքին»,- նշված է գրառման մեջ։