«Անկարան պատրաստ է նպաստել Ուկրաինա-ՌԴ բարձր մակարդակի շփումներին»․ Էրդողան

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ուկրաինայի նախագահ Վլադիմիր Զելենսկու հետ։ Այս մասին հայտնել է Թուրքիայի նախագահի աշխատակազմը։

Կողմերը քննարկել են Թուրքիայի և Ուկրաինայի միջև հարաբերությունները, Ռուսաստանի և Ուկրաինայի միջև խաղաղության գործընթացը, ինչպես նաև տարածաշրջանային և գլոբալ հարցեր։

Զելենսկու հետ զրույցում Էրդողանը նշել է, որ Անկարան պատրաստ է լիովին նպաստել Ուկրաինայի և Ռուսաստանի միջև բարձր մակարդակի շփումներին։

«Թուրքիան կշարունակի իր ներդրումն ունենալ Ուկրաինայի անվտանգության ապահովման գործում», - ասել է Էրդողանը։