Կիևին ուղղված ռուսական հարվածների հետևանքով 4 մարդ է զոհվել

Գիշերվա ընթացքում ՌԴ-ն ԱԹՍ-ներով և հրթիռներով հարվածել է Կիևին, որի հետևանքով կա 4 զոհ, այդ թվում՝ երկու երեխա, և ավելի քան 20 վիրավոր: Այս մասին հայտնում է Ուկրաինայի ՆԳՆ-ն։

Հրթիռակոծվել են Դարնիցկի, Դնեպրովսկի, Սոլոմենսկի, Շևչենկովսկի, Գոլոսեևսկի, Օբոլոնսկի և Դեսնյանսկի շրջանները։ Վնասվել են բազմաբնակարան շենքեր, մասնավոր տներ, մանկապարտեզ, առևտրի կենտրոն։

Դարնիցկիում փրկարարները շարունակում են փլատակների տակից դուրս բերել մարդկանց։

Քաղաքում վնասված օբյեկտների թիվը հասել է հարյուրների, վնասվել է քաղաքի կենտրոնում գտնվող առևտրի կենտրոնը։