«Այս շաբաթ կհանդիպեմ Ուկրաինայի ներկայացուցիչների հետ»․ Ուիթքոֆ

ԱՄՆ նախագահ Դոնալդ Թրամփի հատուկ ներկայացուցիչ Սթիվ Ուիթքոֆը հայտարարել է ուկրաինացի ներկայացուցիչների հետ փակ հանդիպման մասին, որը նախատեսված է Նյու Յորքում։

Թրամփի հատուկ ներկայացուցիչը Նյու Յորքում կայանալիք հանդիպումն անվանել է «կարևոր ազդանշան»։

«Այս շաբաթ հանդիպում եմ ուկրաինացիների հետ Նյու Յորքում, և դա կարևոր ազդանշան է։ Մենք ամեն օր խոսում ենք ռուսների հետ», - ասել է Ուիթքոֆը։

Նա անդրադարձել է նաև Դոնալդ Թրամփի և Ռուսաստանի նախագահ Վլադիմիր Պուտինի միջև Ալյասկայում կայացած հանդիպմանը՝ նշելով, որ Կրեմլի առաջնորդը ցանկանում է վերջ դնել ռուս-ուկրաինական պատերազմին։

«Կարծում եմ, որ նա (Պուտինը) բարի կամք է գործադրել ներգրավվելու համար։ Նա, անշուշտ, դա արեց Ալյասկայի գագաթնաժողովում։ Բայց սա շատ բարդ հակամարտություն է», - նշել է Ուիթքոֆը։