Թրամփն սպառնացել է պատժամիջոցներ և տուրքեր սահմանել ոչ միայն Ռուսաստանի, այլև Ուկրաինայի նկատմամբ

Միացյալ Նահանգները կարող է ուկրաինական հակամարտության հետ կապված պատժամիջոցներ և ներմուծման տուրքեր սահմանել ոչ միայն Մոսկվայի, այլև Կիևի դեմ։ Այս մասին հայտարարել է Ամերիկայի առաջնորդ Դոնալդ Թրամփը։

Սպիտակ տանը նախագահական կաբինետի նիստում մեկնաբանելով Ուկրաինայի շուրջ ստեղծված իրավիճակը՝ նա ասել է, որ պարզապես փորձում է փրկել «հազարավոր երիտասարդների» կյանքը։ «...Ես կարող եմ փրկել՝ կիրառելով պատժամիջոցներ կամ շատ հզոր տուրքերի համակարգ, որը շատ թանկ է Ռուսաստանի կամ Ուկրաինայի կամ որևէ մեկի համար»,- ասել է Թրամփը։