«Զելենսկին էլ անմեղ չէ, տանգոյի համար երկուսն են պետք». Թրամփ

ԱՄՆ-ի նախագահ Դոնալդ Թրամփը հայտարարել է, որ չի կարծում, թե Վլադիմիր Զելենսկին անմեղ է այն ​​իրավիճակում, երբ Ուկրաինայում խաղաղության հասնելու հստակ շարժում չկա։

«Զելենսկին նույնպես անմեղ չէ։ Տանգոյի համար երկուսն են պետք», - ասել է ամերիկացի առաջնորդը Սպիտակ տանը նախագահական կաբինետի նիստում՝ խոսելով Ուկրաինայում հակամարտության կարգավորման մասին։ «Ես միշտ ասում եմ. նրանք պետք է հանդիպեն», - հավելել է Թրամփը՝ խոսելով Ռուսաստանի նախագահ Վլադիմիր Պուտինի և Զելենսկիի հնարավոր հանդիպման մասին։

«Ես հիմա լեզու եմ գտնում Զելենսկիի հետ։ Մենք հիմա այլ հարաբերություններ ունենք, քանի որ այլևս ոչինչ չենք վճարում Ուկրաինային», - նշել է ԱՄՆ-ի նախագահը։ «ՆԱՏՕ-ն գնում է ողջ ռազմական տեխնիկան և վճարում է ամբողջությամբ»,- հավելել է նա։

«Ես շատ լավ հարաբերություններ ունեմ նախագահ Պուտինի հետ։ Շատ, շատ լավ։ Կրկին՝ սա դրական բան է», - ընդգծել է Թրամփը։