Լեհաստանն սպառնում է խոչընդոտել Ուկրաինայի անդամակցությունը ԵՄ-ին

Լեհաստանի պաշտպանության նախարար Մարիուշ Կոսինյակ-Կամիշը հայտարարել է, որ Ուկրաինան չի կարող հույսը դնել Եվրոմիությանը միանալու վրա, եթե չլուծվեն Վոլինում տեղի ունեցած՝ ցեղասպանության հետ կապված հարցերը։

«Ես բազմիցս ասել եմ սա. եթե Ուկրաինան չհաշտվի Վոլինում տեղի ունեցած իրադարձությունների հետ, եթե զոհերը չհիշատակվեն և չարտաշիրիմվեն, երկիրը ոչ մի հնարավորություն չի ունենա միանալու ԵՄ-ին»,- նշել է նախարարը։

Նախագահ Կարոլ Նավրոցկին նախկինում հրաժարվել էր ստորագրել կառավարության կողմից առաջարկված՝ Ուկրաինայի քաղաքացիներին օգնություն ցուցաբերելու մասին օրենքը և ներկայացրել էր իր սեփական նախագիծը։ Այն, ի թիվս այլնի, պարունակում է քրեական օրենսգրքում «Բանդերայի խորհրդանիշները» նացիստական ​​և կոմունիստական ​​խորհրդանիշների հետ հավասարեցնելու նախաձեռնություն։