«Իսրայելը մտադիր է ոչնչացնել Եմենի ահաբեկչական ռեժիմը»․ նախարար

Իսրայելի ֆինանսների նախարար Բեզալել Սմոտրիչը հայտարարել է, որ Իսրայելը մտադիր է ոչնչացնել Եմենի «ահաբեկչական ռեժիմը», ինչպես որ հարվածել է Իրանում «ութոտնուկի շոշափուկներ» հանդիսացող կառույցներին։ Այս մասին հայտնել է Iran International-ը։

Նախարարի խոսքով՝ երկրի ջանքերն ուղղված են ահաբեկչական խմբավորումների դեմ պայքարին և տարածաշրջանում անվտանգության վերականգնմանը։
«Մեր հերոսական մարտիկները կհաղթեն ՀԱՄԱՍ-ին Գազայում։ Այնտեղ նույնպես մենք վճռականորեն ենք տրամադրված՝ հաղթելու և վերադարձնելու բոլոր պատանդներին»,- հավելել է Սմոտրիչը։