Եմենին հասցված Իսրայելի հարվածի հետևանքով 6 մարդ է զոհվել

Եմենի մայրաքաղաք Սանայի վրա Իսրայելի կողմից հասցված օդային հարվածի հետևանքով զոհվել է վեց մարդ, հայտարարել է հութիների առողջապահության նախարար Անիս ալ-Ասբահին։

Նրա խոսքով՝ ևս 86 մարդ վիրավորվել է, հարվածները հասցվել են էլեկտրակայանի և նավթային ընկերության օբյեկտին։

«Արդյունքում զոհվել է 6 և վիրավորվել 86 մարդ», - գրել է նա X սոցիալական ցանցում։