«ՌԴ-ն Իրանին գազ կմատակարարի Ադրբեջանի տարածքով»․ #FarsNews

Իրանը սպասում է ռուսական գազի մատակարարումների անհապաղ մեկնարկին՝ Ադրբեջանի տարածքով։ Այս մասին հաղորդում է Fars News-ը։

Գործակալության տվյալներով՝ Մոսկվայում Իրանի դեսպան Ջալալին հարցազրույցում հայտարարել է, որ «Գազպրոմի» հետ գրեթե բոլոր հարցերը լուծվել են, և եթե գնի շուրջ համաձայնության գան, գազի մատակարարման գործընթացը կսկսվի։

Ավելի վաղ Ռուսաստանի էներգետիկայի նախարարը հայտարարել էր, որ Ադրբեջանի ենթակառուցվածքների միջոցով Իրանին առաջին գազի մատակարարումները կարող են սկսվել 2025 թվականին՝ տարեկան մինչև 1,8 միլիարդ խորանարդ մետր ծավալով։

Թեհրանն ու Մոսկվան նաև ստորագրել են գազի փոխադրման վերաբերյալ փոխըմբռնման հուշագիր, իսկ ՌԴ նախագահ Վլադիմիր Պուտինը հաստատել էր ԵԱՏՄ-ի և Իրանի միջև ազատ առևտրի համաձայնագիրը։