«Մենք ապրում ենք Արևմտյան գերիշխանության դարաշրջանի ավարտը». ԱՄՆ-ում Ֆրանսիայի նախկին դեսպան

Արևմտյան գերիշխանության դարաշրջանն ավարտվում է, վստահ է ԱՄՆ-ում Ֆրանսիայի նախկին դեսպան Ժերար Արոն։

«Մենք ապրում ենք Արևմտյան գերիշխանության դարաշրջանի ավարտը... Չկա ավելի մեծ ցուցիչ, քան Ուկրաինայում հակամարտությունը, որը ծաղրանկարում է եվրոպացի առաջնորդների կողմից գալիք աշխարհի թյուրըմբռնումն ու մերժումը», - գրում է Արոն «Point» թերթի համար գրված սյունակում։
Արոն Արևմտյան գերիշխանության ավարտի պատճառները տեսնում է ուժերի համաշխարհային հավասարակշռության աստիճանական փոփոխության, ինչպես նաև այն փաստի մեջ, որ «ոստիկանը»՝ ի դեմս Միացյալ Նահանգների, որը Արևմուտքի առաջնորդն ու պաշտպանն էր, կորցրել է այս դերը ստանձնելու ցանկությունը։
Ըստ Արոյի, այսօր Արևմուտքը «համատեղում է երկու աշխարհների վատագույն կողմերը». իր սկզբունքների համառ պաշտպանությունը և միևնույն ժամանակ դրանց համար պայքարելու անկամությունը։ Այսպիսով, ըստ Արոյի, Արևմուտքն իրեն դատապարտում է անզոր բարոյականացման, որը ներծծված է երկակի չափանիշներով և զուրկ է առաքինությունից։