Ռյուտեն ժամանել է Կիև

ՆԱՏՕ-ի գլխավոր քարտուղար Մարկ Ռյուտեն ժամանել է Կիև և խոստացել ԱՄՆ-ի և ՆԱՏՕ-ի մասնակցությունն Ուկրաինայի համար «անվտանգության երաշխիքներին», որոնց մի մասը կլինի «ուկրաինական զինված ուժերի ամրապնդումը»։

«Անվտանգության ամուր երաշխիքները կարևոր նշանակություն ունեն, ԱՄՆ-ն և ՆԱՏՕ-ն կմասնակցեն դրանց ապահովմանը»,- ասել է Ռյուտեն՝ Վլադիմիր Զելենսկու հետ մամուլի ասուլիսում՝ հավելելով, որ անվտանգության երաշխիքները կդառնան միայն «պաշտպանության երկրորդ գիծը», առաջնահերթությունը կտրվի հակամարտությունից հետո Ուկրաինայի զինված ուժերի ամրապնդմանը։

Ավելի վաղ Ռուսաստանի արտաքին գործերի նախարար Սերգեյ Լավրովը Մոսկվայում հստակ հայտարարել էր, որ Ուկրաինայում ՆԱՏՕ-ի ուժերի տեղակայման մասին խոսք անգամ չի կարող լինել։