«Շատ զայրացած եմ դրա պատճառով»․ Թրամփ

Հունգարիայի վարչապետ Վիկտոր Օրբանը հրապարակել է ԱՄՆ նախագահ Դոնալդ Թրամփի պատասխանն իր նամակին, որտեղ Թրամփն իր վրդովմունքն է հայտնել Ուկրաինայի կողմից «Դրուժբա» նավթատարին հարվածի կապվակցությամբ։

Հունգարիայի արտաքին գործերի նախարար Պետեր Սիյարտոն ավելի վաղ հայտարարել էր, որ Հունգարիա նավթի մատակարարումները վերջին շրջանում արդեն երրորդ անգամ դադարեցվել են ուկրաինական հարձակման պատճառով։
«Վիկտոր, ես ուրախ չեմ լսել սա, շատ զայրացած եմ դրա պատճառով։ Փոխանցիր Սլովակիային՝ դու իմ մեծ ընկերն ես։ Դոնալդ», - Թրամփի պատասխանն է հրապարակել Օրբանը։

ԱՄՆ նախագահին ուղղված իր նամակում Օրբանը դժգոհություն է հայտնել Կիևի գործողությունների հետ կապված, ինչը Հունգարիայի և Սլովակիայի էներգամատակարարման խափանումների պատճառ է դառնում։