«Պաշտոնյաները շարունակում են լռել»․ Ալեքս Ռաուֆօղլու

Սպիտակ տանը հավատարմագրված լրագրող Ալեքս Ռաուֆօղլուն սոցկայքի իր էջում գրել է․ «Սպիտակ տանը տեղի ունեցած եռակողմ հանդիպումից հետո ԱՄՆ-ն, Ադրբեջանը և Հայաստանը պետք է աշխատանքային խմբեր գործարկեին «Թրամփի երթուղու» շուրջ բանակցություններ վարելու և ճանապարհային քարտեզի իրագործման համար։
Սակայն գագաթնաժողովից երկու շաբաթ անց պաշտոնյաները շարունակում են լռել Հայաստանի և Ադրբեջանի հետագա հանդիպումների մասին։
«Մենք շարունակում ենք առաջ շարժվել գագաթնաժողովում համաձայնեցված բոլոր ուղղություններով, սակայն այս պահին որևէ նոր բան հնարավոր չէ նախապես հրապարակել կամ ներկայացնել»,- այսպես պատասխանեց ինձ ԱՄՆ պետքարտուղարության խոսնակը»»։