«Նեթանյահուն հերոս է, ես՝ նույնպես»․ Թրամփ

ԱՄՆ նախագահ Դոնալդ Թրամփը կարծում է, որ Թեհրանը կկարողանար միջուկային զենք մշակել չորս շաբաթվա ընթացքում, եթե ԱՄՆ-ն չռմբակոծեր իրանական միջուկային օբյեկտները։

«Ի դեպ, կարծում եմ, որ նրանք միջուկային զենք ձեռք կբերեին չորս շաբաթվա ընթացքում, և նրանք կօգտագործեին այն», - ամերիկացի լրագրող Մարկ Լևինի հետ հարցազրույցում ասել է ԱՄՆ նախագահը։

Թրամփն իրեն և Իսրայելի վարչապետ Բենիամին Նեթանյահուին անվանել է «պատերազմի հերոսներ»։

«Նա (Նեթանյահուն) պատերազմի հերոս է, քանի որ մենք միասին ենք աշխատում։ Նա հերոս է։ Ենթադրում եմ՝ ես էլ։ Ես եմ ուղարկել այդ ինքնաթիռները (Իրանի միջուկային օբյեկտները ռմբակոծելու համար)», - ասել է Թրամփը։

Իսրայելը ռազմական գործողություն է սկսել Իրանի դեմ հունիսի 13-ի գիշերը։ Միացյալ Նահանգները հակամարտության մեջ ներգրավվել է ինը օր անց. հունիսի 22-ի գիշերն ամերիկյան ուժերը հարձակվել են իրանական երեք միջուկային օբյեկտների վրա։