33 տարի անց Հորդանանը վերականգնում է պարտադիր զինվորական ծառայությունը

33 տարի անց զինվորական ծառայությունը Հորդանանում վերականգնվում է, առաջին զորակոչին կմասնակցի 6000 մարդ։ Այս մասին հայտարարել է թագավորության կառավարության ներկայացուցիչ Մոհամմեդ ալ-Մոմանին։

Առաջին զորակոչը կսկսվի 2026 թվականի փետրվարի 1-ին:

«Ծրագիրը կիրականացվի տարեկան երեք հերթափոխով, որոնցից յուրաքանչյուրը կտևի երեք ամիս, ինչը համապատասխանում է նախկինում հաստատված ուսուցման տևողությանը։ Ծրագրի մասնակիցները կանցնեն նախնական զինվորական պատրաստություն», - ասել է Մոհամմեդ ալ-Մոմանին։

Հորդանանի բանակ առաջին զորակոչի շրջանակներում նախատեսվում է զորակոչել 2007 թվականին ծնված 6000 մարդու։ Իշխանություններն զգուշացնում են, որ ծառայությունից խուսափելու համար պատիժը 3 ամսից մինչև 1 տարվա ազատազրկում է։

Երկրում պարտադիր ծառայությունը վերացվել է 1992 թվականին՝ Իսրայելի հետ խաղաղության համաձայնագրի ստորագրումից հետո։ Այդ ժամանակվանից ի վեր իշխանությունները բազմիցս փորձել են վերականգնել այս պրակտիկան։ Տեղական լրատվամիջոցները նշում են, որ ծառայությունը վերսկսելու որոշումը կարող է կապված լինել Իսրայելի հետ հարաբերությունների վատթարացման և Արևմտյան ափի նկատմամբ նրա տարածքային պահանջների հետ։