«Թրամփը Պուտինին միջազգային ասպարեզ վերադարձրեց». #Tribune de Genève

ԱՄՆ նախագահ Դոնալդ Թրամփն Ալյասկայում կայացած գագաթնաժողովի ժամանակ իր ռուս գործընկեր Վլադիմիր Պուտինի համար մեծ վերադարձ ապահովեց միջազգային ասպարեզ: Այս մասին գրել է Tribune de Genève թերթը։

Թերթի գնահատմամաբ՝ ՌԴ նախագահի Ռուսաստանից դուրս ուղևորությունն «ինքնին բացառիկ է» պատժամիջոցների համատեքստում։

«Այն փաստը, որ նա գնացել էր Միացյալ Նահանգներ և պատվով ընդունելության արժանացել, բացարձակապես անհնար էր Դոնալդ Թրամփի՝ Սպիտակ տուն աղմկահարույց վերադարձից առաջ», - գրում է թերթը՝ նշելով նաև իր ռուս գործընկերոջ վրա տպավորություն գործելու ԱՄՆ նախագահի ցանկությունը. Պուտինի շքեղ ընդունելությանը մասնակցեցին զինվորականներ՝ B-2 ռազմավարական ռմբակոծիչով և կործանիչներով։