«Պատերազմը շարունակվում է անգամ բանակցությունների օրը». Զելենսկի

Ալյասկայում կայանալիք գագաթնաժողովից առաջ Ուկրաինայի նախագահը հանդես է եկել տեսաուղերձով՝ նշելով, որ օրվա ընթացքում Ուկրաինայում շարունակվել են ակտիվ մարտերը և ռուսական կողմի հարվածները:

«Մեզ զեկուցում են Ուկրաինայի շրջաններին ռուսական հարվածների մասին։ Սումի՝ ռուսական հարված կենտրոնական շուկային։ Դնեպրովշչինա՝ հարվածներ քաղաքներին և ձեռնարկություններին։ Զապորոժիե, Խերսոն, Դոնբաս՝ նպատակաուղղված ռուսական հարվածներ։ Պատերազմը շարունակվում է։ Այն շարունակվում է հենց այն պատճառով, որ Մոսկվայի կողմից այս պատերազմը դադարեցնելու նախապատրաստության մասին ոչ միայն հրաման, այլև ազդանշաններ չկան։

Նրանք սպանում են նաև բանակցությունների օրը։ Եվ սա շատ բան է ասում։ Նախօրեին մենք Ամերիկայի Միացյալ Նահանգների, եվրոպացիների հետ քննարկել ենք, թե ինչն է իրականում կարող աշխատել։ Բոլորին անհրաժեշտ է պատերազմի ազնիվ ավարտ։ Ուկրաինան պատրաստ է հնարավորինս արդյունավետ աշխատել պատերազմը դադարեցնելու համար։ Մենք հույսեր ենք կապում Ամերիկայի ուժեղ դիրքորոշման հետ։ Ամեն ինչ կախված կլինի դրանից՝ ռուսները հաշվի են առնում ամերիկյան ուժը։ Միայն՝ ուժը»,- ասել է Զելենսկին։