Ալյասկայի գագաթնաժողովից առաջ Լուկաշենկոն և Թրամփը հեռախոսազրույց են ունեցել

Բելառուսի նախագահ Ալեքսանդր Լուկաշենկոն հեռախոսազրույց է ունեցել իր ամերիկացի գործընկեր Դոնալդ Թրամփի հետ։ Այս մասին հայտնել է Բելառուսի նախագահի մամուլի ծառայության հետ կապ ունեցող Telegram ալիքներից մեկը։

Զրույցը տեղի է ունեցել այսօր երեկոյան Ալյասկայում կայանալիք Թրամփի-Պուտին բանակցություններից առաջ։

«Նպատակն էր շնորհակալություն հայտնել նրան 16 բանտարկյալների ազատ արձակման համար։ Մենք նաև քննարկում ենք ևս 1300-ի ազատ արձակման հարցը»,- ասել է Թրամփը։

Նա հավելել է, որ Վաշինգթոնն ու Մինսկը քննարկել են Անքորիջում կայանալիք գագաթնաժողովը, որը նվիրված է ուկրաինական հակամարտության կարգավորմանը։