«Սթարմերն ու Զելենսկին կհանդիպեն Լոնդոնում»․ #SkyNews

Մեծ Բրիտանիայի վարչապետ Քեյր Սթարմերը հինգշաբթի իր նստավայրում կընդունի Ուկրաինայի նախագահ Վլադիմիր Զելենսկուն, ով Լոնդոն է ժամանել չհայտարարված այցով։ Այս մասին հաղորդում է Sky News-ը՝ հղում անելով բրիտանական կաբինետին։

Ըստ հեռուստաալիքի՝ զրույցը նվիրված կլինի Ռուսաստանի նախագահ Վլադիմիր Պուտինի և ԱՄՆ առաջնորդ Դոնալդ Թրամփի միջև օգոստոսի 15-ին Ալյասկայում կայանալիք բանակցություններին։

Օգոստոսի 13-ին տեղի է ունեցել տեսակոնֆերանս՝ Թրամփի, Զելենսկու և Մեծ Բրիտանիայի, Գերմանիայի, Իտալիայի, Լեհաստանի, Ֆինլանդիայի և Ֆրանսիայի ղեկավարների, ՆԱՏՕ-ի գլխավոր քարտուղարի, Եվրոպական հանձնաժողովի և Եվրոպական խորհրդի նախագահների մասնակցությամբ։ Քաղաքական գործիչները քննարկել են ռուս-ամերիկյան առաջիկա գագաթնաժողովը։ Ուկրաինայի վերաբերյալ առցանց հանդիպումը նախաձեռնել է Գերմանիայի կանցլեր Ֆրիդրիխ Մերցը։

Հիշեցնենք՝ Պուտինի և Թրամփի միջև հանդիպումը, ինչպես ակնկալվում է, կկայանա օգոստոսի 15-ին՝ Ալյասկայում։