Իրանում էներգետիկ ճգնաժամ է

Իրանի շրջանների մեծ մասի իշխանություններն օգոստոսի 13-ը հայտարարել են կառավարական գերատեսչությունների համար ոչ աշխատանքային օր՝ ամառային շոգի գագաթնակետին էլեկտրաէներգիայի սպառումը կրճատելու համար, հաղորդում է SNN-ը։
Նմանատիպ միջոցառումներ են ձեռնարկվել երկրի 31 շրջաններից 16-ում, և դրանք կազդեն ոչ միայն կառավարական գերատեսչությունների, այլև բանկային հաստատությունների վրա։

Վերջին տարիներին Իրանը լուրջ խնդիրների է բախվել կայուն էլեկտրաէներգիայի մատակարարման ապահովման հարցում՝ էներգետիկ ենթակառուցվածքների լուրջ վատթարացման պատճառով։

Ավելի վաղ Իրանի նախագահ Մասուդ Փեզեշքիանը կոչ էր արել իրանցիներին իրենց տներում ջերմաստիճանը նվազեցնել առնվազն երկու աստիճանով՝ գազի պահեստարանների համալրումն ապահովելու և ամբողջ երկրում կայուն էներգամատակարարում պահպանելու համար։ Նախաձեռնությանն աջակցելու համար իշխանությունները սոցիալական ցանցերում գործարկել են «երկու աստիճանով ցածր» հեշթեգը։ Արշավին միացել են ավելի քան 20 քաղաքական գործիչներ, մարզիկներ և հասարակական գործիչներ, այդ թվում՝ ֆուտբոլի ազգային հավաքականի խաղացողներ։