«Ուկրաինան պատրաստ է զիջել Ռուսաստանի կողմից գրավված տարածքները». #TheTelegraph
![]() Ուկրաինան կարող է համաձայնել դադարեցնել մարտական գործողությունները և զիջել Ռուսաստանի կողմից արդեն իսկ զբաղեցված տարածքները՝ որպես Եվրոպայի կողմից աջակցվող խաղաղության ծրագրի մի մաս։ Այս մասին հայտնում է The Telegraph-ը: Ըստ լրատվամիջոցի՝ Զելենսկին եվրոպացի առաջնորդներին ասել է, որ նրանք պետք է մերժեն Դոնալդ Թրամփի կողմից առաջարկվող ցանկացած կարգավորում, որը կենթադրի Ուկրաինայի կողմից հետագա տարածքների զիջում, իսկ Ռուսաստանին կարող է թույլատրվել պահպանել իր կողմից զբաղեցված որոշ տարածքներ։ Սա կնշանակեր սառեցնել առաջնագիծն այնտեղ, որտեղ այն հիմա գտնվում է, և Ռուսաստանին փաստացի վերահսկողություն տրամադրել Լուգանսկում, Դոնեցկում, Զապորոժիեում, Խերսոնում և Ղրիմում զբաղեցված տարածքների նկատմամբ։ Անդրադառնալով Կիևի ու նրա դաշնակիցների մտավախություններին՝ լրատվամիջոցը նշում է, որ Ուկրաինան և Եվրոպան խիստ մտահոգված են, որ Թրամփը և Պուտինը կարող են բանակցել պատերազմի ավարտի շուրջ՝ շրջանցելով Զելենսկու կարծիքը։ «Ես շատ վախեր և մեծ հույսեր ունեմ»,- երկուշաբթի հայտարարել էր Լեհաստանի վարչապետ Դոնալդ Տուսկը։ Նա հայտնել է, որ ամերիկացի պաշտոնյաները խոստացել են խորհրդակցել եվրոպացի առաջնորդների հետ՝ Թրամփի և Պուտինի հանդիպումից առաջ։ Եվրոպացի դիվանագետները նշում են, որ Պուտինի պատերազմական ընդհանուր նպատակները չեն փոփոխվել․ նա նպատակ ունի տապալել Ուկրաինայի արևմտամետ կառավարությունը և այն փոխարինել ռուսամետ ուժերով, գրում է The Telegraph-ը։ |

«Եթե կգտնեք, իմ աչքը կմտցնեք սահմանադրության այն կետը, որով օտար շահ է սպասարկվում»․ Սրբուհի Գալյան (տեսանյութ)
521:18
«Արագ դուրս եկար ստեղից, դավայ, դուրս եկար»․ Ռուբեն Ռուբինյանը՝ Էդգար Ղազարյանին (տեսանյութ)
7121:00
«Լափամանից փայ եք ունեցել, կտրվել եք, դրա համա՞ր եք մրմռում»․ Նիկոլ Փաշինյանը՝ Արեգա Հովսեփյանին (տեսանյութ)
5920:54
Նիկոլ Փաշինյանի ակնարկներն ընդդիմության երաշխավորների՝ «Վասիլիչի» և «Նիկոլայիչի» մասին (տեսանյութ)
7820:24
«Անշրջելի խաղաղության ճանապարհին մի խոչընդոտ ունենք՝ խորհրդարանական ընդդիմությունն է»․ Նիկոլ Փաշինյան (տեսանյութ)
6820:00
«Ժանրի կանոնները պահանջում են, որ ձեզ ասեմ՝ Ալիևի աբսլուգ, բայց ես դա չեմ անի»․ Մեսրոպ Մանուկյան (տեսանյութ)
8819:36
