Դարդանելի նեղուցը փակ է հրդեհների պատճառով

Չանաքքալե նահանգում անտառային հրդեհի պատճառով Դարդանելի նեղուցով նավերի անցումը դադարեցվել է, X սոցիալական ցանցում հայտնել է նահանգապետ Օմեր Թորամանը։

Ավելի վաղ թուրքական իշխանությունները դադարեցրել էին նեղուցով նավերի անցումը ուժգին հրդեհների պատճառով։

Հրդեհի դեմ պայքարում են յոթ ինքնաթիռ, վեց ուղղաթիռ և 455 մարդ։ Բժիշկները օգնություն են ցուցաբերել ածխածնի մոնօքսիդ շնչած 14 քաղաքացու, նրանց կյանքին վտանգ չի սպառնում, X-ում հայտնել է Չանաքքալեի նահանգապետը։

Քաղաքի մոտակայքում գտնվող անտառներն ու դաշտերը պատվել են հրդեհներով, այդ պատճառով իշխանությունները տարհանել են 7 գյուղերի բնակիչների՝ ընդհանուր առմամբ 770 մարդու։ Հրդեհների հետևանքով վիրավորվել է ընդհանուր առմամբ 98 մարդ, որոնցից 2-ը շարունակում են մնալ հիվանդանոցում բուժման համար, մնացածը առաջին բուժօգնություն ստանալուց հետո դուրս են գրվել տուն։