«Միջանցքը չպետք է օտարերկրացիների նպատակներին հասնելու գործիք լինի»․ Փեզեշքիան

ՀՀ վարչապետ Նիկոլ Փաշինյանի հետ հեռախոսազրույցի ժամանակ Իրանի նախագահը շեշտել է Հայաստանի ինքնիշխանության պահպանման և որևէ ռազմական կամ անվտանգության ուժի չմիջամտելու անհրաժեշտությունը՝ Երևան-Բաքու տարանցիկ միջանցքի կյանքի կոչման հարցում։ Այս մասին հայտնում են իրանական լրատվամիջոցները։

Փեզեշքիանը նախազգուշացրել է ամերիկյան կողմի հնարավոր գործողությունների մասին, որոնք կարող են կովկասյան տարածաշրջանում գերիշխող նպատակներ հետապնդել տնտեսական ներդրումների և խաղաղություն ապահովելու քողի տակ։

«Պետք է ապահովել, որ այս ուղին իսկապես լինի խաղաղության և զարգացման ուղի, այլ ոչ թե օտարերկրացիների գերիշխող նպատակներին հասնելու գործիք»,- հավելել է նա։