«Մտահոգություն ենք հայտնում ցանկացած օտարերկրյա միջամտության հետևանքների վերաբերյալ»․ Իրանի ԱԳՆ

«Հայաստան-Իրան ռազմավարական համագործակցության զարգացման կենտրոնի» հիմնադիր Փույա Հոսսեինին հրապարակել է Իրանի Իսլամական Հանրապետության արտաքին գործերի նախարարության հայտարարությունը Կովկասի տարածաշրջանի զարգացումների վերաբերյալ․ «Իրանի Իսլամական Հանրապետությունը ուշադրությամբ հետևում է Հարավային Կովկասի տարածաշրջանում տեղի ունեցող զարգացումներին և կապի մեջ է այս զարգացումների վերաբերյալ իր երկու հարևանների՝ Ադրբեջանի Հանրապետության և Հայաստանի Հանրապետության հետ։
Անկասկած, Կովկասի տարածաշրջանում խաղաղությունն ու կայունությունը ձեռնտու են տարածաշրջանի բոլոր երկրներին։ Իրանի Իսլամական Հանրապետությունը, ողջունելով երկու երկրների կողմից խաղաղության համաձայնագրի տեքստի վերջնական տեսքի բերումը, այս զարգացումը գնահատում է որպես կարևոր քայլ՝ տարածաշրջանում կայուն խաղաղություն հաստատելու ուղղությամբ։
Միևնույն ժամանակ, մենք մտահոգություն ենք հայտնում ցանկացած օտարերկրյա միջամտության բացասական հետևանքների վերաբերյալ, հատկապես համատեղ սահմանների հարևանությամբ, որը կարող է խաթարել տարածաշրջանի կայուն անվտանգությունն ու կայունությունը։
Իրանի Իսլամական Հանրապետությունը, շեշտելով իր ազգային իրավունքների և շահերի ապահովման համար բոլոր քաղաքական, իրավական և տնտեսական միջոցառումների ձեռնարկումը, կարծում է, որ հաղորդակցության ուղիների ստեղծումը և կապի ցանցերի ապաշրջափակումը կծառայի տարածաշրջանի ազգերի կայունությանը, անվտանգությանը և տնտեսական զարգացմանը միայն այն դեպքում, երբ դա կլինի փոխադարձ շահերի, տարածաշրջանի երկրների ազգային ինքնիշխանության և տարածքային ամբողջականության նկատմամբ հարգանքի շրջանակներում և առանց արտաքին միջամտությունների։
Իրանի Իսլամական Հանրապետությունը պատրաստ է շարունակել կառուցողական և փոխադարձ շահերին հիմնված համագործակցությունը Ադրբեջանի Հանրապետության և Հայաստանի Հանրապետության հետ՝ տարածաշրջանի խաղաղության, կայունության և տնտեսական զարգացման պաշտպանության համար՝ երկկողմ և տարածաշրջանային համագործակցության, ինչպես նաև 3+3 ձևաչափի շրջանակներում»։