ՄԱԿ-ը պատրաստ է հյուրընկալել Թրամփ-Պուտին գագաթնաժողովը

ՄԱԿ-ը պատրաստ է Նյու Յորքում գտնվող իր կենտրոնակայանը տրամադրել Ռուսաստանի և ԱՄՆ-ի նախագահներ Վլադիմիր Պուտինի և Դոնալդ Թրամփի հնարավոր հանդիպման համար, սակայն նման խնդրանք դեռևս չի ստացվել։ Այս մասին լրագրողների հետ ճեպազրույցում հայտարարել է ՄԱԿ-ի գլխավոր քարտուղարի ներկայացուցչի տեղակալ Սթեֆանի Թրեմբլեյը։

Նա նշել է, որ գագաթնաժողովը ՄԱԿ-ի կենտրոնակայանում անցկացնելու հարցը չի քննարկվել :

Միևնույն ժամանակ, Թրեմբլեյը ընդգծել է, որ ՄԱԿ-ի դռները «միշտ բաց են» երկխոսության համար։ «Մենք միշտ խրախուսում ենք երկխոսությունը և հույս ունենք, որ, ի վերջո, առաջընթաց կարձանագրվի Ուկրաինայում ռազմական գործողությունների դադարեցման ուղղությամբ՝ համաձայն ՄԱԿ-ի կանոնադրության», - հավելել է Թրեմբլեյը։