Ուկրաինայում ապամոնտաժվել է Լենինի վերջին արձանը

Ուկրաինայի իշխանություններն ապամոնտաժել են երկրում Վլադիմիր Լենինի վերջին արձանը՝ Խմելնիցկիի շրջանի Ռուդկիվցի գյուղում գտնվող կիսանդրին, հաղորդում է «Ուկրինֆորմ»-ը։
Այն քանդելու որոշումը կայացվել է «Ապագաղութացում։ Ուկրաինա» նախագծի դիմումից հետո, որը «խթանում է ուկրաինական մշակույթի ապագաղութացման և ապակոմունիզացիայի գաղափարները»։ Գործակալության տվյալներով՝ հուշարձանը տեղափոխվել է ապամոնտաժմամբ զբաղվող քաղաքային ձեռնարկության տարածք։

2024 թվականի ապրիլին կիսանդրին ապամոնտաժվել էր, սակայն ավելի ուշ այն վերականգնվել էր։

Հատկանշական է, որ հունիսին Ղրղզստանում ապամոնտաժվել է նաև Լենինի 25 մետրանոց հուշարձանը, որը Կենտրոնական Ասիայում ամենաբարձրն էր։