Գազայում սովից մահացածների թիվը հասնում է 169-ի

Սովի և թերսնման հետևանքով Գազայի հատվածում մահացել է 169 մարդ, այդ թվում՝ 93 երեխա։ Այս մասին հայտնել է տեղի առողջապահության նախարարությունը։ Գազայի իշխանությունների մամուլի ծառայությունը հայտնել է, որ ուրբաթ տարածք է մտել 73 մարդասիրական օգնությամբ բեռնատար։ Դրանց մեծ մասը թալանվել է։ Գազայի հատվածի իշխանությունների խոսքով՝ բնակիչների սննդի, վառելիքի, առաջին անհրաժեշտության ապրանքների և դեղորայքի նվազագույն կարիքները բավարարելու համար անհրաժեշտ է, որ ամեն օր Գազայի հատված մուտք գործի 600 բեռնատար։