Ռուսաստանում ձերբակալվել է ադրբեջանական սփյուռքի ղեկավար Շահին Շիխլինսկին

Ռուսաստանյան լրատվամիջոցները հաղորդում են, որ Ուրալում ադրբեջանական սփյուռքի ղեկավար Շահին Շիխլինսկին ձերբակալվել է Մոսկվայում և տեղափոխվել Եկատերինբուրգ։

Շիխլինսկին մասնակցում է նախկինում հարուցված քրեական գործերից մեկի քննչական գործողություններին։ Նրա կարգավիճակն անհայտ է, հաղորդում են լրատվամիջոցները։

Շահին Շիխլինսկին հետախուզման մեջ է հայտնվել հուլիսի վերջին։ Չի նշվում, թե Շիխլինսկին որ հոդվածով է հետախուզվում։

Ավելի վաղ Շիխլինսկու որդին՝ Մութվալան, երկու ամսով ձերբակալվել էր «իշխանության ներկայացուցչի նկատմամբ բռնության» գործով։