Երևան`   +22 °C
Այսօր`   Շաբաթ, 10 հոկտեմբերի, 2026 թ.

«ՌԴ-ն լրացուցիչ միջոցներ կձեռնարկի հացահատիկով բեռնատարների՝ Վերին Լարսով ՀՀ մուտք գործելու համար». Օվերչուկ

2731
Ուրբաթ, 01 օգոստոսի, 2025 թ., 22:54
«ՌԴ-ն լրացուցիչ միջոցներ կձեռնարկի հացահատիկով բեռնատարների՝ Վերին Լարսով ՀՀ մուտք գործելու համար». Օվերչուկ

Ռուսաստանի կառավարությունն իրավասու մարմիններին հանձնարարել է ապահովել հացահատիկով բեռնատարների անցումը դեպի Հայաստան՝ Վերին Լարսի անցակետով, այն բանից հետո, երբ երթևեկությունը դադարեցվել էր սելավի պատճառով։

«Հայաստանի խնդրանքով Ռուսաստանի Դաշնության իրավասու մարմիններին հանձնարարվել է լրացուցիչ միջոցներ ձեռնարկել Ռուսաստանից դեպի Հայաստանի Հանրապետություն Վերին Լարսով հացահատիկով բեռնատարների անցումը կազմակերպելու համար, որոնց տեղաշարժը սահմանափակվել էր վատ եղանակի և սելավի պատճառով։ Մենք փորձում ենք նվազագույնի հասցնել Հայաստանին անհրաժեշտ հացահատիկի մատակարարման ուշացումները», - լրագրողներին ասել է ՌԴ փոխվարչապետ Ալեքսեյ Օվերչուկը։

Հիշեցնենք՝ հուլիսի 31-ին Ստեփանծմինդա-Լարս ավտոճանապարհը փակ էր բոլոր տեսակի տրանսպորտային միջոցների համար սելավի վտանգի պատճառով։