Զելենսկին դարձյալ հաստատել է Պուտինի հետ հանդիպելու իր պատրաստակամությունը
![]() Ուկրաինայի նախագահ Վլադիմիր Զելենսկին կրկին առաջարկել է հանդիպում Պուտինի հետ՝ Ուկրաինայում պատերազմը դադարեցնելու համար։ Այս մասին նա հայտնել է Բելառուսի նախագահ Լուկաշենկոյի հետ հանդիպման ժամանակ ՌԴ նախագահ Պուտինի հայտարարություններից հետո: «Մենք լսում ենք Ռուսաստանից հայտարարություններ, և եթե սա պատերազմն արժանապատվորեն ավարտելու և իսկապես երկարատև խաղաղություն հաստատելու նրանց լուրջ պատրաստակամության ազդանշան է, այլ ոչ թե պարզապես պատերազմի համար ժամանակ շահելու և պատժամիջոցները հետաձգելու փորձ, ապա Ուկրաինան կրկին հաստատում է իր պատրաստակամությունը ցանկացած պահի առաջնորդների մակարդակով հանդիպելու հարցում։ Մենք հասկանում ենք, թե ով է որոշումներ կայացնում Ռուսաստանում և ով պետք է դադարեցնի այս պատերազմը։ Ամբողջ աշխարհը նույնպես հասկանում է դա։ Ուկրաինան առաջարկում է տեխնիկական մակարդակով հայտարարությունների փոխանակումից և հանդիպումներից անցնել նախագահների միջև հանդիպման։ Ամերիկան առաջարկել է դա։ Ուկրաինան աջակցել է այդ գաղափարին։ Անհրաժեշտ է միայն Ռուսաստանի պատրաստակամությունը»,- ասել է Զելենսկին: Այսօր Լուկաշենկոյի հետ հանդիպման ժամանակ Պուտինն ասել էր, որ Ռուսաստանը կողմ է Ուկրաինայում «երկարաժամկետ, տևական» խաղաղության հասնելուն։ Միաժամանակ, խաղաղության գործընթացի մեկնարկի համար նախկինում հնչեցված նրա պահանջները մնում են ուժի մեջ. ուկրաինական զորքերը պետք է ամբողջությամբ դուրս բերվեն Ուկրաինայի «ԴԺՀ», «ԼԺՀ», Խերսոնի և Զապորոժիեի մարզերի տարածքից։ «Եթե Ուկրաինայի ղեկավարությունը կարծում է, որ հիմա ժամանակը չէ, և որ անհրաժեշտ է սպասել՝ խնդրեմ, մենք պատրաստ ենք սպասել», - ասել է Պուտինը։ |

«Եթե կգտնեք, իմ աչքը կմտցնեք սահմանադրության այն կետը, որով օտար շահ է սպասարկվում»․ Սրբուհի Գալյան (տեսանյութ)
521:18
«Արագ դուրս եկար ստեղից, դավայ, դուրս եկար»․ Ռուբեն Ռուբինյանը՝ Էդգար Ղազարյանին (տեսանյութ)
7121:00
«Լափամանից փայ եք ունեցել, կտրվել եք, դրա համա՞ր եք մրմռում»․ Նիկոլ Փաշինյանը՝ Արեգա Հովսեփյանին (տեսանյութ)
5920:54
Նիկոլ Փաշինյանի ակնարկներն ընդդիմության երաշխավորների՝ «Վասիլիչի» և «Նիկոլայիչի» մասին (տեսանյութ)
7820:24
«Անշրջելի խաղաղության ճանապարհին մի խոչընդոտ ունենք՝ խորհրդարանական ընդդիմությունն է»․ Նիկոլ Փաշինյան (տեսանյութ)
6820:00
«Ժանրի կանոնները պահանջում են, որ ձեզ ասեմ՝ Ալիևի աբսլուգ, բայց ես դա չեմ անի»․ Մեսրոպ Մանուկյան (տեսանյութ)
8819:36
