Հարավկորեացիներին այսուհետ թույլատրվում է շփվել հյուսիսկորեացիների հետ

Հարավային Կորեայի իշխանությունները վերացրել են քաղաքացիների և հյուսիսկորեացիների միջև շփման սահմանափակումները, սակայն պահանջել են համապատասխան մարմիններին նախապես տեղեկացնել, հաղորդում է Yonhap-ը։
Հարավային Կորեայի միավորման նախարար Չունգ Դոնգ-Յոնը հայտարարել է նախարարության նախկին հրահանգները չեղարկող հրամանագրի ստորագրման մասին, որոնք սահմանափակում էին քաղաքացիների շփումները հյուսիսկորեացիների հետ և թույլ էին տալիս հրաժարվել շփվելու թույլտվությունից։

Գերատեսչության ղեկավարը շեշտել է, որ նման շփումներն այժմ թույլատրվում են առանց սահմանափակումների, սակայն անհրաժեշտ է նախապես տեղեկացնել Միավորման նախարարությանը։ Նրա խոսքով՝ ժողովուրդների միջև ազատ շփումը նպաստում է փոխըմբռնման և խաղաղ համակեցության ամրապնդմանը։

Ավելի վաղ Աշխատավորական կուսակցության կենտրոնական կոմիտեի բաժնի ղեկավարի տեղակալ և ԿԺԴՀ առաջնորդի քույր Կիմ Յո Չժոնգը հայտարարել էր, որ Փհենյանը չի մտադրվում բանակցել Հարավային Կորեայի հետ՝ չնայած նոր նախագահ Լի Չժե Մյոնի «արտաքին հաշտեցման քայլերին»։ Նրա կարծիքով՝ Հյուսիսային և Հարավային Կորեաները երկխոսության թեմաներ չունեն, և Փհենյանը հետաքրքրված չէ Սեուլի քաղաքական միջոցառումներով և առաջարկներով։