«10 օր` սկսած այսօրվանից». Թրամփը վերջնաժամկետ է տվել Մոսկվային

Ուկրաինայում պատերազմի կարգավորման վերջնաժամկետը լրանալու է 10 օրից՝ հուլիսի 29-ից սկսած, հայտարարել է ԱՄՆ-ի նախագահ Դոնալդ Թրամփը Շոտլանդիայից ԱՄՆ թռիչքից առաջ:

«Այսօրվանից 10 օր հետո։ Այդ ժամանակ մենք մաքսատուրքեր ենք սահմանելու։ Դա ակնհայտորեն ազդելու է Ռուսաստանի վրա, բայց նա [Պուտինը] ցանկանում է, որ պատերազմը շարունակվի։ Բայց մենք մաքսատուրքեր ենք սահմանելու։ Դա կարող է ազդել կամ չազդել նրանց վրա»,- ասել է Թրամփը։

Նա նաև ասել է, որ «հիանալի աշխատանք է կատարել հինգ պատերազմներում»։ «Կարծում եք՝ ես ինչ-որ բան կստանա՞մ դրա դիմաց։ Ոչ»,- ասել է ԱՄՆ-ի նախագահը։

Հուլիսի 14-ին Թրամփը հայտարարել էր, որ դժգոհ է Ռուսաստանից և խոստացել է երկրորդային մաքսատուրքեր «մոտ 100%-ով» երկրի և նրա առևտրային գործընկերների համար, եթե 50 օրվա ընթացքում առաջընթաց չլինի Ուկրաինայի հետ հակամարտության կարգավորման գործում։

Իսկ, մեկ օր առաջ՝ հուլիսի 28-ին, Թրամփը հայտարարել է, որ «շատ հիասթափված է» Ռուսաստանի նախագահ Վլադիմիր Պուտինից և կրճատել է վերջնաժամկետը մինչև 10-12 օր»։