ԱՄՆ-ն և Չինաստանը երկարաձգել են «մաքսային զինադադարը»

ԱՄՆ-ն և Չինաստանը համաձայնության են եկել երկարաձգել փոխադարձ մաքսային արտոնությունները ևս երեք ամսով։

Այս մասին հայտնել է «Շվեդիա» ռադիոն։
Համապատասխան համաձայնագիրը ձեռք է բերվել Ստոկհոլմում հուլիսի 28-29-ը ԱՄՆ ֆինանսների նախարար Սքոթ Բեսենթի և ՉԺՀ Պետական խորհրդի փոխվարչապետ Հե Լիֆենգի գլխավորությամբ տեղի ունեցած երկօրյա բանակցություններից հետո։

Նախորդ մաքսային համաձայնագիրը կնքվել էր Ժնևում մայիսի 10-11-ին, որի համաձայն Վաշինգթոնն ու Պեկինը ժամանակավորապես նվազեցրել էին մաքսատուրքերը՝ ԱՄՆ-ն չինական ապրանքների համար մինչև 30% (նախկին 115%-ից), իսկ Չինաստանը՝ մինչև 10% ամերիկյան ապրանքների համար։ Այս համաձայնագրի ժամկետը պետք է լրանար օգոստոսի 12-ին։